Kulla e Azem Bejtës – Galicë

Historiku i ndërtimit dhe rindërtimit të kullës së Azem Bejtës në Galicë

Në kohën e ekzistimit të Zonë së Lirë në Drenicë, ishte marrë aksioni vullnetar që të ndërtohet një kullë për Azem Bejtë – Galica. Kulla ndërtohet në Galicë, në fshatin e lindjes dhe rritës së Azemit. Kështu në verën e vitit 1923, përkatësisht gjatë muajit korrik, me ndihmën e banorëve vendas dhe të tjerë, u realizua me sukses ndërtimi i Kullës[1].

Kati i parë (përdhesë) ishte i ndërtuar nga gurët, ndërsa kati i dytë nga tullat me mure të trasha, të cilët nuk ishte e lehtë të rrëzoheshin edhe me topa.

Kulla ishte e kthyer me dritare nga jugu. Ishte e ndarë me mur prej themeli në dy pjesë.

Kati i parë i pjesës perëndimore të kullës shërbente si stallë, ku mbaheshin kuajt e Azemit dhe Shotës, derisa kati i dytë ishte vend për mysafirë. Kati i parë i pjesës lindore të kullës, shërbente si kuzhinë ku përgatitej buka, ndërsa kati i dytë i kishte katër dhoma për fjetje.

Kulla e Azemit shkatërrohet në vjeshtë vitit 1924, menjëherë pas shpërbërjes së Zonës së Lirë të Drenicës dhe vrasjes së Azemit nga pushtuesit serbë.

Pas përfundimi të luftës së fundit në Kosovë (1999) u krijuan rrethana të reja. Kështu, në vitin 2010, me iniciativën e Kryetarit të Komunës së Vushtrrisë,z. Bajram Mulaku, u vendos që të rindërtohet kulla e Azem Bejtës, në vendlindjen e këtij të fundit, pra në Galicë të komunës së Vushtrrisë. 1923.

Gurë themeli për rindërtimin e kullës u bë më 16 korrik 2010, me rastin e 86 vjetorit të rënies heroike të Azem Bejtës. Gurë themelin e rindërtimit të kullës e kanë vënë: Rifat Jashari, Jakup Krasniqi, Bajram Mulaku dhe Ali Ahmeti. Kulla e tanishme ka planimetri 10 me 12 metra dhe është dy katëshe.